Gatusan na-stranded tungod sa TD Aghon

STRANDED: Mga pasahero sa pantalan sa Hagnaya sa lungsod sa San Remigio wa nakabiyahe human ang northern Cebu gibutang sa signal no. 1 sa bagyong Aghon. / CPA FB page
STRANDED: Mga pasahero sa pantalan sa Hagnaya sa lungsod sa San Remigio wa nakabiyahe human ang northern Cebu gibutang sa signal no. 1 sa bagyong Aghon. / CPA FB page

Gikanselar sa mga pantalan ug mga airline sa Sugbo ang mga biyahe sa transportasyon human gipahibalo nga makaapekto ang tropical depression ‘Aghon’ sa pipila ka mga dapit sa amihanang Sugbo sa Mayo 25, 2024.

Tungod sa dili maayo nga kahimtang sa panahon, giklasipikar sa Philippine Atmospheric, Geophysical and Astronomical Services Administration (PAGASA) ang pito ka mga lungsod ug isla sa amihanang Sugbo ubos sa Signal No. 1 sugod sa Mayo 25.

Ang apektadong mga lugar nag­lakip sa Bogo, Borbon, Medel­lin, San Remigio, Daan Ban­tayan, Bantayan, ug Camotes Islands.

Pipila ka mga lugar sa silangan ug amihanang Samar, Biliran, ug usa ka bahin sa Northern Leyte gipaubos usab sa Signal No.1.

Sa report sa Cebu Port Authority (CPA) sa alas 9 sa buntag, Mayo 25, gibana-banang 332 ka stranded nga mga pasahero ang nakita sa Hagnaya Passenger Terminal Building.

Ang mga biyahero gidala sa local government unit sa luwas nga New San Remigio Sports Complex aron mangita og temporaryong kapuy-an.

Samtang, gikanselar usab sa Cebu Pacific Air ug Pacific Airlines ang mga biyahe paingon sa Calbayog, Samar, Siargao ug Tacloban. Sulod sa mosunod nga 24 oras, ang Aghon ideklarar nga tropical storm sa eksaktong alas 5 sa buntag.

Matod ni Pagasa weather specialist Manny John Agbay, sa usa ka phone call interview, Mayo 25, ang bagyo moigo sa habagatan-sidlakang bahin sa Luzon lakip na ang Camarines islands, Catanduanes, Albay, ug Sorsogon. / DPC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph