Gimakmak ni American Coco Gauff ang iyang kababayan nga si Jessica Pegula, 6-2, 6-4, aron angkunon ang kampyunato sa Women’s Tennis Association (WTA) 1000 Cincinnati Open sa Mason, Ohio, sa Lunes, Agusto 24, 2026 (PH time).
Si Gauff kinsa kasamtangang world No. 4, nisakmit sa labing una niyang WTA singles title ning tuig 2026.
Sa iyang pagdispatsar ni Pegula kinsa kasamtanga world No. 3, naangkon ni Gauff ang iyang ikaduhang titulo sa Cincinnati Open nga una niyang nakuha niadtong 2023.
Sa kinatibuk-an, mao kini ang ika-12 nga WTA singles title ni Gauff. / ESL