Gipuli-pulihan ang 28 anyos nga dalaga sa kaluha nga Turkish national, sud sa usa ka condominium unit sa Barangay Camputhaw, Dakbayan sa Sugbo, niadtong alas 9 sa gabii, Miyerkules, Agusto 13, 2025.
Usa sa kaluha maoy boyfriend sa biktima nga gitago sa pangala’ng Lea, taga Barangay Pajo, Lapu-Lapu City ang nidangop sa Abellana Police Station 2 aron ireklamo ang magsuong langyaw, pulos 28 anyos.
Matod pa ni Police Lieutenant Colonel Maria Theresa Macatangay, Deputy City Director for Operation, Cebu City Police Office nga, sigun pa sa biktima uyab niya ang usa sa igsuon nga suspek.
Tug-an sa biktima nga niadto siya sa condo unit sa iyang uyab niadtong buntag sa Miyerkules, Agusto 13, 2024 ug adunay nahitabo kanila ug na-usban nianang pagkahapon.
Nakurat nalang si Lea nga adunay naabot nga laing lalaki nga daw sama sa dagway sa iyang uyab ug iyang nadiskubre nga ang iyang gikahilawas nianang pagkahapon ang kaluha nga igsuon diay.
Gibate na og kahadlok si Lea sa dihag gipugos na siya sa iyang boyfriend ug kaluha niini nga mag-threesome.
Sigun sa paghulagway sa biktima nga gigaid ang iyang duha ka mga kamot ug nagkadaiyang posisyon sa sex ang gihimo sa duha ka Turko, bisan nga supak sa iyang kabubut-on.
Giandam na ang kasong pagpanglugos batok sa kaluha nga gibalhug sa sa Abellana Police Station 2 temporary custodial facility. /