Giakusahan nga ‘nanguot’, ‘mikulata’ sa biktima unta

Local News Official
Local News OfficialSunStar File Photo

Nabalhug sa temporary holding bus facility sa Carbon Police Station ang usa ka 50 anyos nga ginang human pasanginli sa usa ka 22-anyos nga lalaki’ng tinun-an nga nisuway sa pagkuha sa cellphone sulod sa iyang bag.

Sa dihang nasakpan, siya na hinuon ang nasuko ug nikulata sa biktima atubangan sa South Bus Terminal sa N. Bacalso Avenue, Brgy. Kalubihan, dakbayan sa Sugbo alas 7:05 sa Biyernes sa gabii.

Ang suspek napusasan nila’ng Police Patroman Efril John Dador ug Patrolman Jerome Tecson nga nag-beat patrol sa dapit sa dihang nakakita sa komosyon.

Giila ang suspek nga si Asuncion Godinez Montes, alyas “Fada”, 50, taga Dan P. Del Rosario Extention, Brgy. Sambag 1, dakbayan sa Sugbo.

Sa imbestigasyon sa kapu­li­san nasuta nga nasuko, matod pa, si Montes, nga siya ang gipasanginlan nga nikuot sa bag sa biktima nga usa ka tinun-an sa usa ka unibersidad sa dakbayan sa Sugbo. Wala pa matagbaw si Montes, iyang gidumog ang biktima hinungdan nga nakaangkon kini og bun-og sa walang kamot.

Kaso’ng slight physical injury ang atubangon nga kaso sa suspek nga ipasaka sa Lunes, Abril 8, 2024. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph