Dili na makabalik pagduwa si Milwaukee Bucks superstar Giannis Antetokounmpo hangtod mahuman ang regular season sa 2023-24 National Basketball Association (NBA).
Ang two-time MVP nakasinati og angol sa iyang wa nga tiil niadtong Miyerkules, Abril 10, 2024, atol sa kadaugan sa Bucks batok sa Boston Celtics, 104-91.
Human nigawas ang resulta sa MRI kagahapon, Huwebes, Abril 11, nasuta nga adunay strained calf si Antetokounmpo.
Bisan wa si Antetokounmpo, ningdaug na sab ang Bucks batok sa Orlando Magic ,117-99, kagahapon.
Ang Bucks, nga nakasulod na sa playoffs, adunay 49-31 nga rekord, ikaduha sa East. / AP