Gitangtang sa Milwaukee Bucks sa ilang lineup ang ilang pambatong si Giannis Antetokounmpo sa wala pa nagsugod ang ilang duwa batok sa New Orleans Pelicans ning Lunes, Abril 7, 2025 (PH time), sa National Basketball Association (NBA).
Giklaro ni Bucks coach Doc Rivers nga wala ra naangol si Antetokounmpo ug nakadesisyon lang siya nga papahuwayon kini human kini niduwa og 43 ka mga minutos atol sa ilang overtime nga daog batok sa Miami Heat sa niagi nilang duwa.
Bisan wala si Antetokounmpo, ang Bucks nakamaneho gihapon pagbuntog sa Pelicans, 111-107. / Gikan sa AP