Gilaumang makighugpong si Giannis Antetokounmpo sa management sa Milwaukee Bucks sulod ning semanaha aron tukion ang kabahin sa iyang ugma damlag sa National Basketball Association (NBA).
Human nanamilit og sayo ang Bucks sa niaging 1st round playoffs series batok sa Indiana Pacers, 1-4, nalab-as pagbalik ang isyu kabahin sa posibleng pagbalhin ni Antetokounmpo.
Kapila na sab nipadayag si Antetokounmpo nga gusto siyang mobalhin kaniadto apan nakumbensir siya sa management nga magpabilin.
Ning higayuna, wa pa’y kasegurohan kon mao gihapon ang dagan sa estorya. / Gikan sa wires