Gidunggab kay wa kaabang?

Gidunggab kay wa kaabang?

Nakaangkon og samad dinunggaban sa kuto-kuto ang usa ka construction wor­ker human gidunggab sa caretaker sa boarding house human giingong wa­la makaabang sulod na sa tulo ka buwan.

Kini nahitabo alas 9 sa gabii sa Dominggo, Disyembre 10, 2023, sa Sityo Anagan, Brgy. Apas, siyudad sa Sugbo.Ang biktima giila nga si Vincent Tajanlangit, 38, ulitawo, nagpuyo sa dapit

Samtang ang suspek giila nga si Benjie Day-Day, 52, min­yo, lumad nga taga Brgy. Maya, lungsod sa Daanbantayan.

Sa imbestigasyon sa Mabolo Police Station ubos sa kamanduan ni Police Maj. Eranio Rigidor, hepe, ang suspek naningil sa biktima sa abangan niini sa boarding house nga motulo na ka buwan nga moabot og P7, 500.

Apan, matod pa, wa mo­bayad ang biktima nga niresulta sa Ilang mainiton nga panaglalis.

Ang suspek nga nagdala nang daan og hunting knife, nidunggab sa kuto-kuto sa biktima.

Dali nga gidala ang biktima sa Cebu City Medical Center (CCMC). Ang suspek niiskapo ug wa pa madakpi sa pagsuwat ning taho.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph