Gidunggab, patay

SUSPEK: Ang suspek sa pagpatay sa construction worker ug ang plamingko nga iyang gigamit sa pagdunggab sa iyang silingan sa Purok Thunder, Timpolok,  Barangay Babag, syudad sa Lapu-Lapu, alas 8:30 sa  gabii, Dominggo,  Marso 10, 2024.  /
SUSPEK: Ang suspek sa pagpatay sa construction worker ug ang plamingko nga iyang gigamit sa pagdunggab sa iyang silingan sa Purok Thunder, Timpolok, Barangay Babag, syudad sa Lapu-Lapu, alas 8:30 sa gabii, Dominggo, Marso 10, 2024. / DARIO V. GIL

Patay ang usa ka construction worker human gidunggab sa laing construction worker sa Purok Thunder, Timpolok, Barangay Babag, Siyudad sa Lapu-Lapu, alas 8:30 sa gabii sa Dominggo, Marso 10, 2024.

Ang biktima giila nga si Victor Franco Tulo, 52, ulitawo, may kapuyo taga, Purok Thunder, Timpolok, Brgy. Babag, Siyudad sa Lapu-Lapu, samtang ang suspek giila nga si Wilson Mangubat Inihao, 49, ulitawo, silingan.

Basi sa pasiunang imbestigasyon ni Police Chief Master Sgt. Jack Lord Pogoy, investigator on case sa Lapu-Lapu City Police Station 3, nasuta nga ang biktima kuyog sa iyang kapuyo ning-adto sa tindahan aron pag­pallit og ilimnong makahubog.

Ang biktima ug suspek nagkaabot sa dapit ug nitumaw ang mainiton nga panaglalis bahin sa ilang pagpuyo sa dapit isip urban poor.

Matod pa, ang suspek niuli ug pagbalik dala na ang usa ka plamingko ug gidunggab ang biktima sa duha ka higayon sa walang bahin sa lawas.

Ang biktima gidala Lapu-Lapu City Hospital apan gideklarar sa nag-atiman nga doktor nga dead on arrival.

Samtang ang suspek nadakpan sa mga polis sa hot pursuit, pasakaan og kasong homicide. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph