Giilugan sa motor, gipusil sa carnapper

NAHITABOAN: Ang 6th Street, Happy Valley, Barangay  Guadalupe, Siyudad sa Sugbo diin nahitabo ang pag-carnap sa motorsiklo,  alas 2:30 sa hapon, Biyernes,  Hunyo 14, 2024, nga gisusi sa kapulisan. / TAMPO
NAHITABOAN: Ang 6th Street, Happy Valley, Barangay Guadalupe, Siyudad sa Sugbo diin nahitabo ang pag-carnap sa motorsiklo, alas 2:30 sa hapon, Biyernes, Hunyo 14, 2024, nga gisusi sa kapulisan. / TAMPO

Gipusil sa carnapper ang usa ka lalaki nga iyang giilugan og motorsiklo sa 6th Street, Happy Valley, Brgy. Gua­dalupe, Siyudad sa Sugbo, alas 2:30 sa hapon sa Biyernes, Hunyo 14, 2024.

Ang biktima giila nga si Agelio Bargamento, 50, taga Sitio Villa Bulsita, Brgy. Bulacao, Siyudad sa Sugbo.

Sa pasiunang imbestigasyon ni P/Master Sgt. Joel Vergara, investigator on case (IOC) sa Guadalupe Police Station, nasayran sa Superbalita Cebu nga ang biktima nagsakay sa iyang motorsiklo tadlas sa maong dapit.

Dugang sa kapulisan, gituparan kini sa laing nagsakay og motorsiklo ug giagaw ang motorsiklo sa biktima dayon gipusil.

Naigo si Bargamento sa iyang wala nga paa hinungdan sa pagkaospital.

Nagpadayon ang hot pursuit sa kapulisan sa pagsikop sa carnapper ug pag-recover sa motorsiklo samtang gisuwat kining taho. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph