Usa ka 21 anyos nga ulitawo nga kuyog sa iyang uyab nga nagmotorsiklo gikulata sa manag-agaw nga nagmotor usab kinsa nasuko nga naka-overtake ang nahiuna sa highway sa Brgy. Alpaco , dakbayan sa Naga, alas 3:45 sa kaadlawon, Biyernes, Agusto 23, 2024.
Ang biktima giila nga si 'Mark', taga Alpaco, Naga.
Ang mga suspek nga gibalhog sa bilanggoan mao sila si 'Alex', 26, ulitawo, ug 'Mark', 21, ulitawo, ug pulos taga Balungag, lungsod sa San Fernando.
Matod pa nga gigukod ang biktima sa mga suspek ug gibabagan ug giingnan nga "gara kaayo ka!" dayong gikulata.
Ang uyab sa biktima daling nakapangayo og tabang ug nanawag sa kapulisan. / DVG