MOPASAKA og kaso kadtong drayber sa motorcad sa Dakbayan sa Lapu-Lapu nga gikulata sa laing drayber niadtong Dominggo, Hunyo 22, 2025, sa Barangay Canjulao, Siyudad sa Lapu-Lapu.
Niadtong Hunyo 24, nisurender atubangan ni Congressman-elect ug kasamtangang Mayor Junard “Ahong” Chan ang 51-anyos nga nangulata nga si alyas Boy.
Apan si Mayor Chan niingon nga kon desidido ang biktima nga mopasaka og kaso, iya kining suportahan.
Giklaro sa mayor nga dili niya i-tolerate ang mga pagpangabuso bisan og mangangkon nga mga lider niya sa politika ang mga responsabli.
Nag-viral ang video sa gihimong pagpangulata sa drayber ngadto sa laing drayber tungod sa panag-ilog sa pasahero.
Nahuboy ang nawong sa biktima sa daghang kinumo nga iyang naangkon gikan sa suspek.
Daghang mga nitizen ang nikondinar sa gihimong pagpangulata. / VLM