Padayon ang pagdominar sa Gilas Pilipinas batok sa Jordan human sa ilang lig-on nga 75-61 nga kadaogan sa friendly game didto sa Al Ahli Sports Club, Jeddah, Saudi Arabia, Agosto 3, 2025 (PH time).
Naglabaw og 11 puntos ang Gilas sa halftime ug wala na gyud nagpaapas sa Jordan. Sila Scottie Thompson, Calvin Oftana, Dwight Ramos, ug Kevin Quiambao nangusog sa final period para di gyud makasikit ang Jordan.
Ang duwa mao ang rematch sukad sa ilang gold medal clash sa 19th Asian Games 2023, diin napildi gihapon ang Jordan 70-60 nga maoy nakahatag sa Pilipinas og unang gold medal human sa kapin 60 ka tuig. / RSC