Gilas gipangtiklo sa Turkey

Gilas gipangtiklo sa Turkey
SunStar Basketball

Nasugamak ang Gilas Pilipinas sa kapildihan batok sa host Turkey, 84-73, kagahapon sa sayong buntag, Biyernes, Hunyo 28, 2024 (PH time) sa usa ka tune-up game sa Besiktas Akatlar Culture and Sports Complex sa Istanbul.

Pinaagi sa ilang three-point shooting, kanunay nga naglabaw ang Turkey gikan sa sinugdanan hangtod sa katapusan.

Nitali ang Turkey og 14-of-41 sa three-point area lakip na niini ang 5-of-9 ni Tarik Biberovic, kinsa maoy nangulo sa kadaugan pinaagi sa iyang 23 puntos.

Ang katapusang three-pointer ni Biberovic maoy katapusang puntos nga narehistro sa duwa.

Ang Gilas gipangulohan ni naturalized player Justin Brownlee pinaagi sa iyang 21 puntos samtang nidugang og 17 puntos ug 11 rebounds si June Mar Fajardo.

Ang duwa nagsilbing tipik sa hugot nga preparasyon sa Gilas alang sa kampanya niini sa umaabot nga Olympic Qualifying Tournament sa Riga, Latvia.

Human niini, ang Gilas mo-asdang sa Poland ugma, Dominggo, Hunyo 30, 2024, alang sa laing tune-up game nga maoy magtuldok sa ilang pagpangandam alang sa OQT.

Sa premiro nilang tune-up game, gipangmakmak sa Gilas ang Taiwan Mustangs, 74-64.

Puntos matag usa:

Turkey (84) — Biberovic 23, Korkmaz 12, Sanli 9, Sipahi 9, Osmani 8, Ozdemiroglu 7, Haltali 6, Kabaca 3, Yilmaz 3, Bas 2, Yasar 2, Ilyasoglu 0.

Philippines (73) — Brownlee 21, Fajardo 17, Sotto 7, Tamayo 7, Newsome 5, Ramos 4, Aguilar 4, Perez 3, Oftana 3, Quiambao 2, Amos 0. Quarterscores: 24-21; 42-40; 64-56; 84-73. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph