Nahan-ay na ang malisod nga dalan nga pagasubayon sa Gilas Pilipinas sa FIBA Olympic Qualifying Tournament nga gikatakda karong Hulyo 2-7, 2024.
Ang Gilas nahisakop sa Group A kauban ang world no. 23 Georgia ug world no. 8 Latvia, nga usa sa mga host ning qualifying event.
Sa qualifying format, ang Gilas, world no. 38, kausa makigsangka sa ilang mga kauban sa Group A.
Human niini, ang Group A top two teams moabante sa crossover semi-finals batok sa top two teams sa Group B nga gilangkuban sa Brazil, Cameroon, ug Montenegro.
Ang modaug sa semi-finals mao an mag-ilog og usa sa nahabiling upat ka mga luna alang sa 2024 Paris Games.
Adunay pito ka mga nasod ang naka-qualify na sa Paris Games ug kini mao ang Germany, Serbia, Canada, USA, Australia, Japan, South Sudan, ug France.