Adunay kabalaka ang Gilas Pilipinas ug ang Samahang Basketbol ng Pilipinas (SBP) sa posibleng kahimtang sa FIBA Asia Cup 2025 sa Jeddah, Saudi Arabia — tungod sa nagkagrabeng tensyon sa tunga-tunga sa Middle East.
Gipadayag ni Gilas head coach Tim Cone nga nagpadayon ang ilang komunikasyon sa FIBA kabahin sa posibleng epekto sa kasamtangang panagbangi tali sa Iran ug Israel sa hosting sa torneo.
“The big question in our mind right now, and we are not going to make too big of a deal about it, but will we continue to play in Jeddah with all the things that are going on in the Middle East right now?
"Whether they will change the venue or such and that’s something that we are monitoring with FIBA as well,” matod ni Cone.
Ang FIBA Asia Cup 2025 ipahigayon unta sa Agusto 5 hangtod 17, 2025, ug 16 ka mga nasod ang mokumpetensya — apil na ang Pilipinas. Apan nisamot ang kahimtang sa rehiyon niadtong Dominggo human gitumbok sa Estados Unidos ug Israel ang gituhuang nuclear facilities sa Iran.
Gipasabot ni Cone nga ang seguridad sa team ug mga opisyal ang ilang labing gihunahuna. / RSC