GIKALIPAY sa Gilas Pilipi-nas ang mas taas nga pag-pangan-dam para sa uma-abot nga FIBA Asia Cup- 2025 nga ipahigayon sa Jeddah, Saudi Arabia.
Gibutyag ni coach Tim Cone niadtong Sabado nga magsugod na ang ilang preparasyon sa Gilas karong Hunyo 30 — sa labing sayo — pinaagi sa mga lunes nga praktis matag semana, samtang magpadayon kini ngadto sa usa ka training camp nga ipahigayon sa Clark.
Orihinal nga plano nga magsugod ang praktis sa Hulyo 27, pagkahuman sa Game 7 sa PBA 49th Season Philippine Cup Finals. Apan tungod sa tinguha ni Cone nga mas daghang oras sa praktis, gisugdan nila ang preparasyon mas sayo pa, bisan pa ug makasulod o dili ang iyang club team nga Barangay Ginebra sa finals.
“We are going to have a Zoom with all the players on Monday to go over the practice schedules. We are trying to get some Monday practices before we actually come together,” matod ni Cone atol sa Power and Play program ni dating PBA Commissioner Noli Eala.
Gisiguro usab ni Cone nga kung dili makasulod sa finals ang Ginebra, siya mismo ang motutok sa praktis sa Gilas.
“We will start sometime during the finals. If I’m not in the finals, then I will obviously coach the practices. But if I’m in the finals, then we will get Richard [Del Rosario] and Sean Chambers to handle the practices while I’m still with Ginebra," dugang pa ni Cone.
Gilauman sab nga makasalmot na si Justin Brownlee sa unang praktis sa team human siya makarecover sa injury sa iyang kumagko nga nakuha sa Commissioner’s Cup Finals.
“We are hoping that he will be here by June 30 which is our first Monday practice. He should be here sometime this week, we are hoping,” pasabot ni Cone.
Ang mga overseas-based pla-yers nga sila Dwight Ra-mos, Carl Tamayo, ug Kevin Quiambao anaa na usab sa ilang off-season ug makaapil sa mga regular nga praktis.
Gipasabot ni Cone nga dako ang iyang paglaum sa mas taas nga praktis time karong preparasyon, ilabi na kay wala kini nila nakuha sa miaging FIBA window sa Pebrero, diin napildi sila batok sa New Zealand ug Chinese Taipei sa Asia Cup qualifiers.
“In my mind right now, playing games is less important for us than the practice time. We really need the practice time together. So I’m not going out, looking for a lot of practice games. I’m really looking to sink our teeth in to practice, get our system going a little bit more again,” matod pa ni Cone. / RSC