Nitapos sa ikawalo nga dapit ang Gilas Pilipinas Youth sa FIBA U18 Asia Cup human sila gipilde sa Chinese Taipei, 89-78, niadtong Dominggo, Agusto 23, 2026, didto sa Ahmedabad, India.
Napakyas ang Nationals sa pagprotekta sa ilang labaw nga niabot pa sa 14 ka puntos.
Si Chog Moral nipabuto og 22 puntos, siyam ka rebounds, ug tulo ka steals, apan nahubsan sa pwersa ang Gilas U18 human nagpakita og aksyon ang Chinese Taipei pinaagi sa ilang 29-18 run sa ikaduhang kwarter.
Kahinumduman nga midaog pa ang Gilas Youth batok sa Chinese Taipei, 89-88, sa pagsugod sa kompetisyon ug nagtapos sa group stage nga may 2-1 win-loss record human gipilde ang Thailand, 91-62, apan gitambakan sa Australia, 107-69.
Nakasulod sa quarterfinals ang Gilas human gipukan ang Syria, 72-63, apan gipilde sila sa China, 117-103, sa pagsugod sa knockout phase.
sa usab ang Japan sa nipilde sa Gilas Youth, 80-75, samtang naga-sangka sila sa classification phase. / RSC
