Mipakita og dominasyon ang Gilas Pilipinas Youth ubos sa ilang bag-ong coach nga si LA Tenorio ug gilubong ang Vietnam, 113-62, sa pagsugod sa FIBA U16 Asia Cup SEABA Qualifiers didto sa Bren Z. Guiao Convention Center, Dominggo, Mayo 25.
Si Travis Pascual mipabuhagay og 16 puntos samtang ang kapitan sa team nga si Jolo Pascual nakapupo og 14 puntos, upat ka assists, ug tulo ka rebounds aron ihatag ang debut nga daog ni Tenorio sa iyang unang pakigbisog isip head coach sa national team.
Ang membro sa UAAP Season 87 Mythical Five Jhustin Hallare, nagpakita usab sa iyang abilidad sa iyang10 puntos ug upat ka assists, samtang si Prince Carino sa Far Eastern University mihatag og 14 puntos ug 11 rebounds sa dula.
"Ang nararamdaman po namin ngayon, unang-una, excitement. Nu'ng una, nag-struggle po kami. Normal lang po talaga yan. It's our first game, kami naman lahat. First time namin dito sa SEABA," matod ni Pascual.
"Nu'ng nakuha namin yung rhythm namin, yun, um-okay na rin po laro namin,” dugang niya. / RSC