AP PHOTO
AGAY: Nawingig ang nawong ni British Tyson Fury (tuo) human naigo sa kumo ni Ukrainian Oleksandr Usyk (wa) ning aktuha sa ilang undispu­ted heavyweight world championship boxing fight ning Dominggo, Mayo 19, 2024, sa Kingdom Arena sa Riyadh, Saudi Arabia. / AP PHOTO

Gilupig ni Usyk si Fury

Gilupig ni Oleksandr Usyk pinaagi sa split decision ang higante niyang kontra nga si Tyson Fury ning Dominggo, Mayo 19, 2024 (PH time) sa Riyadh, Saudi Arabia.

Sa kadaugan, ang garbo sa Ukraine maoy nahimong labing unang heavyweight undisputed champion sa milabay nga 24 ka mga tuig.

Si Uysk, kinsa adunay gitas-on nga 6’3”, mitumba sa 6’9” nga British fighter sa 9th round nga maoy nakahatag kaniya sa kadaugan.

Ang 37 anyos nga si Usyk nahimong labing unang Ukrainian heavyweight boxer sunod ni Lennox Lewis nga nakaharos paglangkat sa mga titulo sa tanang mayorihiyang world boxing bodies.

Sa kadaugan, nadugang ni Usyk sa iyang World Boxing Association (WBA), World Boxing Organization (WBO), International Boxing Federation (IBF) titles ang World Boxing Council (WBC) belt ni Fury.

Midaog si Usyk sa duha ka judges, 115-113 ug 114-113, samtang midaog si Fury sa usa, 114-113.

“It’s a great time. It’s a great day,” matod matod ni Usyk, kinsa nisaka sa 22-0, 14KOs nga rekord.

“Thank you so much to my team. It’s a big opportunity for me, for my family, for my country. Slava Ukraini!”

Alang ni Fury, siya ang anga­yang midaog sa away.

“I believe I won that fight,” matod ni Fury, kinsa nahagbong sa 34-1-1, 24KOs nga rekord. “I believe he won a few of the rounds, but I won the majority of them, and I believe it was one of those what-can-you-do, one of them ... decisions in boxing. We both put on a good fight, best we can do.”

Gitataw ni Fury nga gamiton niya ang iyang rematch clause sa kontrata.

Nagtuo si Fury nga ningpabor lang ni Usyk ang mga tawo lakip na ang duha ka judges tungod kay kasamtangang adunay gubat sa nasod niini.

“You know, his country is at war, so people are siding with a country at war,” dugang ni Fury.

“But make no mistake, I won that fight, in my opinion, and I’ll be back. I’ve got a rematch clause.” / AP

SunStar Publishing Inc.
www.sunstar.com.ph