Gin Kings makigyinarukay na’g sugod

Gin Kings makigyinarukay na’g sugod
Basketball (File Photo)

Mga duwa karon:

4:30 pm- Phoenix batok NorthPort

7:30 pm- Ginebra batok Rain or Shine

Sa labing unang higayon, mopakita na og aksyon ang Brgy. Ginebra Gin Kings sa main game ning Biyernes, Marso 8, 2024, batok sa nagsalimoang nga Rain or Shine Elasto Painters sa Philippine Basketball Association (PBA) Season 48 Philippine Cup sa Smart Araneta Coliseum.

Sa pagpangulo nila ni Scottie Thompson, Christian Standhardinger, Japeth Aguilar ug Jamie Malonzo, ang Gin Kings makonsiderar nga inilog batok sa Elasto Painters, nga wala pa’y daog sulod sa duha ka mga duwa.

Apan dili angay molugak bisan gamay ang Gin Kings batok sa Elasto Painters, nga nakapanghudlat sab og insakto una kini ningyukbo sa TNT Tropang Giga ug Meralco Bolts.

Sa laing bahin, mopakita sab og aksyon sa labing unang higayon ang Phoenix Super LPG Fuel Masters batok sa NorthPort Batang Pier sa premirong duwa sugod sa alas 4:30 sa hapon.

Ang Batang Pier adunay 1-1 nga rekord. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph