Mga duwa karon:
5:15 P.M Phoenix FuelMasters batok Converge FiberXers
7:30 Barangay Ginebra batok Titan Ultra
Ang Barangay Ginebra Gin Kings mosuway paglabni sa ilang ikaunom nga daog sa ilang pakigharong sa Titan Ultra Giant Risers sa Philippine Basketball Association (PBA) Season 50 Commissioner’s Cup karong Dominggo, Abril 26, 2026, sa Smart Araneta Coliseum.
Gilauman nga dumogon napud ang korte sa pagduwa sa crowd-favorite Gin Kings ug Giant Risers sa main game alas 7:30 sa gabie
Ang Ginebra nagkupot og 5-3 (win-loss) record ug kon makakuha kini og daog motaas ang ilang plastada sa team standings.
Samtang ang Titan Ultra adunay 2-6 nga baraha og kuyog niini ang Macau Black Knights ug Blackwater Bossing sa bottom three sa standing.
Ang Sunday double-header ablihan sa Phoenix FuelMasters batok Converge FiberXers sa alas 5:15 sa hapon.
Ang Fuelmasters (5-3) motarget og mas nindot nga posisyon para sa quarterfinals, samtang ang Converge tumong ang makakuha og luna sa sunod round. / RSC
