Ginang gitigbas tungod sa tubig

Ginang gitigbas tungod sa tubig
SunStar Local News GPX

Usa ka ginang ang nakaangkon og samad tinigbasan sa ulo human hapsi og sundang sa iyang silingan nga lalaki sa Sitio Humayan, Barangay Pangdan, siyudad sa Naga, alas 11 sa buntag sa Huwebes, Pebrero 8, 2024.

Ang biktima giila nga si Aleja Alferez Gonzaga, 58, minyo samtang ang suspek mao ang iyang silingan nga si Daniel Alfanta, 37, ulitawo.

Sa pakisusi sa Superbalita Cebu sa kapulisan sa Naga, nasuta sa imbestigasyon ubos sa kamanduan sa ilang hepe nga si Police Lt. Col. Wiliam Humoc, ang suspek nagkalos og tubig sa ilang komon nga faucet.

Giingong gibuyag sa biktima ang suspek sa paghunong sa pagpangkalos og tubig tungod kay daghan na ang ilang mga silingan nga nangalos usab.

Apan, matod pa, nasuko ang suspek, nikuha kini og sundang ug gitigbas ang biktima tumong sa ulo.

Ang biktima gidala sa ospital samtang ang suspek nieskapo ug wa na maabti sa kapulisan nga niresponde sa alarma.

Apan ala 1:40 sa kaadlawon sa Biyernes, Pebrero 9, 2024, si Alfanta nitahan kang Brgy. Captain Cristina Ababa sa Cantao-an, City of Naga ug gi-turnover ngadto sa kapulisan.

Ang suspek mag-atubang og kaso nga frustrated ho­micide.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph