Samdan ang 39 anyos nga ginang nga nakig-estoryahanay sa iyang silingan apan kalit gidunggab sa 31 anyos nga lalaki, alas 6:30 gabii, Huwebes, Oktubre 24, 2024, sa Sitio Sto. Niño, Brgy. Suba, dakbayan sa Sugbo.
Ang biktima mao si Venus Mejias, 39, nagpuyo sa nahisgutang lugar, nasamdan sa iyang wala nga abaga. Ang suspek mao si Wilfred Maranga, 31, ulitawo, ug silingan sa biktima.
Sa imbestigasyon ni Police Senior Master Sgt. Maurice Caldosa sa Sawang Police Station, ang biktima nakigtabi sa gawas sa ilang panimalay uban pipila ka mga higala.
Niabot ang suspek ug walay daghang pangutana gidunggab ang biktima.
Ang biktima nakadagan ug gidala sa kabanay sa tambalanan. Samtang, ang suspek nadakpan sa mga mirespondi nga kapulisan.
Ang suspek gikatahong dunay psychological nga sakit. / GPL