Ginang nanghimakak nga barbero gika-sex, gikawatan

Cebu City map.
Cebu City map.

“Dili na tinuod, Sir. Kon ma­ngawat man lang gani mi, adto mi sa foreigner, dili kapwa Pinoy.”

Mao kini ang pamahayag ni Irish, 36, dunay kaipon, taga Brgy. Lahug, Dakbayan agi og tubag sa pagpasangil sa usa ka barbero kaniya ug sa iyang amiga nga sila nangawat sa iyang mga butang human sa lawasnon kalipay sulod sa usa ka lodge sa Dalan Manalili, Dakbayan sa Sugbo niadtong Biyernes sa kaadlawon,Abril 5.

Matod ni Irish nga dakong bakak ang gibutyag ni Romnick sa media nga nagpatabang siya og duha ka mga babaye.

Gani way nahimong pakighilawas sa sulod sa kwarto tungod sa kahubog sa barbero.

Iyang gisaysay nga niadtong kaadlawon sa Biyernes gihagad ni Romnick ang iyang amiga nga si alyas Faye nga mag check in sa usa ka lodging house.

Nangutana kini kon pila, diin gitug-anan siya nga tag P1,000.

Nihangyo, matod pa, si Romnick nga P500 lang ug nisugot kini hangtod nga gidala siya ni Faye nga moadto sa lodge.

Gani ang gibayad niini sa kwarto pulos sinsiyo, sigun ni Irish.

Human nga nakabayad si Romnick sa kwarto, nisulod na kini uban sa iyang amiga samtang siya nagpabilin sa lobby.

Apan dangtan og lima ka mi­nu­tos nigawas si Faye nga nagyaw­yaw kay wala magkasinabot.

Giingnan pa kini nga inigka human na lang sa kumbati sa kama siya mobayad, dinhi na nagsugod ang ilang lalis.

Walay kamatuoran nga ilang gihimulbolan si Romnick kay nanglakaw na sila human wala magkasinabot sa presyo ug gidugang niini nga pwerteng huboga sa barbero.

“Kana si Romnick, Sir, hu­bog kaayo na siya kay gikan daw sila nag inum sa iyang agaw didtu sa Triple 8. Mismo ang cashier, Sir, makasulti nas tinuod unsa nang hitaboa,” matod ni Irish.

Iyang giklaro nga dili nila kinaiya nga mangigo og mga Pinoy tungod kay sila matod pa ang mabalikan.

Si Irish niangkon nga kaniadto usa siya ka commercial sex worker diha sa downtown area apan niundang na siya sulod na sa napulo ka tuig. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph