Ginang nga drug pusher nakaikyas, kustomer nasikop
Usa ka ginang nga suspetsado nga drug pusher ug bodegera og shabu ang nakaeskapo sa buy-bust apan ang iyang kustomer nga nangompra og shabu nadakpan sa Sityo Mustang, Barangay Pusok, dakbayan sa Lapu-Lapu, alas 11:08 sa gabii, Miyerkules, Agusto 14, 2024.
Ang ginang nga nakaeskapo mao si alyas Angge, walay trabaho nga temporaryo nga nagpuyo, ug nag-abang og usa ka lawak sa Sityo Matumbo, Barangay Pusok, Lapu-Lapu.
Samtang, ang nadakpan nga suspek mao si alyas Onyot, 41, minyo ug taga Kasambagan, Riverside, Barangay Banilad, dakbayan sa Sugbo.
Nasakmit nga gidiling drugas ang gibanabana nga motimbang nga moabot og 51 gramos nga dunay stanĀdard drug price nga moabot og P346,000.
Usa ka joint operation gilangkoban sa City Drugs Enforcement Unit (CDEU) ug sa City Intelligence Unit (CIU) sa Lapu-Lapu Police Office (LCPO) uban sa koordinasyon sa Philippine Drug Enforcement Agency (PDEA) 7.
Ang suspek nga ginang na-validate nga makabaligya og shabu sa maong dapit hinungdan nga gilusad ang buy-bust apan nakaeskapo ug padayong gipangita atol ning pagsuwat. / DVG