Nakasulod sa semi-finals ang Brgy. Ginebra Gin Kings ug Rain or Shine Elasto Painters human nila gipangdispatsar ang ilang tagsatagsa ka kontra sa duha ka mga deciding Game 3 sa quarter-finals series niadtong Dominggo, Pebrero 9, 2025, sa Philippine Basketball Association (PBA) Season 49 Commissioner’s Cup sa Ynares Center sa Antipolo City.
Ang Gin Kings ninghubog sa ilang higpit nga karibal nga mao ang Meralco Bolts, 94-87, sa main game samtang gipintalan og pilde sa Elasto Painters ang Converge FiberXers, 112-103, sa premirong duwa.
Sa semi-finals, nga kombatihon pinaagi sa best-of-seven series, kontrahon sa Gin Kings ang No. 1 team NorthPort Batang Pier samtang sangkaon sa Elasto Painters ang No. 2 TNT Tropang Giga.
Ang semi-finals karon pang Pebrero 26 sugdan aron paghatag og agianan alang sa kampanya sa Gilas Pilipinas sa ikaupat ug katapusang window sa FIBA Asia Cup qualifiers. / ESL
Puntos matag usa:
1st game:
Rain or Shine (112)- Thompson 34, Nocum 25, Caracut 14, Clarito 11, Asistio 7, Belga 6, Datu 5, Tiongson 5, Santillan 4, Malonzo 1.
Converge (103)- Stockton 26, Diallo 19, Baltazar 16, Arana 15, Winston 14, Racal 7, Heading 3, Andrade 3.
2nd game:
Ginebra (94) - Brownlee 23, Holt 17, Abarrientos 16, Rosario 12, Thompson 7, J.Aguilar 6, Ahanmisi 6, Cu 5.
Meralco (87)- Newsome 22, Quinto 16, Hodge 13, Banhcero 12, Black 9, Mitchell 8, Rios 5, Almazan 2.