Ginebra sulod sa top 4

TOP 4: Miitsa si Ginebra Gin Kings guard Stanley Pringle batok sa NLEX Road Warriors ning aktuha sa usa ka out-of-town game sa PBA Commissioner’s Cup niadtong Sabado sa gabii, Enero 13, 2024, sa Legazpi, Albay. Midaog ang Gin Kings ning sangkaa nga maoiy nagpasulod kanila sa Top 4.
TOP 4: Miitsa si Ginebra Gin Kings guard Stanley Pringle batok sa NLEX Road Warriors ning aktuha sa usa ka out-of-town game sa PBA Commissioner’s Cup niadtong Sabado sa gabii, Enero 13, 2024, sa Legazpi, Albay. Midaog ang Gin Kings ning sangkaa nga maoiy nagpasulod kanila sa Top 4. PBA.PH

Nakakuha og puwesto sa Top 4 ang Brgy. Ginebra Gin Kings human sa ilang kadaugan batok sa NLEX Road Warriors, 103-99, niadtong Sabado sa gabii, Enero 13, 2024, sa usa ka out-of-town game sa Philippine Basketball Association (PBA) Season 8 Commissioner’s Cup sa Legazpi, Albay.

Ang Gin Kings ninghuman sa ilang tahas sa elimination round dala ang 8-3 nga rekord diin gikauban nila sa ikatulong luna ang San Miguel Beermen ug Meralco Bolts.

Ning pagsuwat, aduna pa’y posibilidad nga mahitabo ang four-way tie sa 8-3 nga rekord, depende sa resulta sa duwa sa Phoenix Super LPG Fuel Masters ug TNT Tropang Giga kagabii, Enero 14, 2024.

Apan bisan unsa pa’y mahi­tabo, makalusot lang gihapon ang Gin Kings sa quotient.

Ang masulod sa Top 4 makabaton og twice-to-beat nga benepisyo sa quarter-finals.

Sa ilang bahin, ang Road Warriors natagak sa 4-7 nga rekord nga nagbutang kanila sa delikadong sitwasyon diin posible silang mahilakip sa teams nga sayong manamilit sa kompe­rensya.

Ang kadaugan sa Gin Kings gipangulohan ni import Tony Bishop pinaagi sa iyang 27 puntos ug 13 rebounds samtang niamot og dobleng numero nga mga puntos sila si Christian Stangdardinger (180, Jamie Malonzo (16), Maverick Ahanmisi (13), ug Stanley Pringle (13).

Puntos matag usa:

Ginebra (103) - Bishop 27, Standhardinger 18, Malonzo 16, Ahanmisi 13, Pringle 13, J.Aguilar 6, Thompson 4, Pinto 3, Pessumal 3.

NLEX 99 – Williams-Baldwin 27, Valdez 17, Nermal 15, Semerad 14, Anthony 12, Bo­lick 8, Rodger 4.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph