Mga duwa karon:
5:00 pm- San Miguel batok Ginebra
7:30 pm- TNT batok Rain or Shine
Mosuway pagposte og 2-0 nga bintaha ang Brgy. Ginebra Gin Kings ug TNT Tropang 5G sa ilang pagpakigbatok og lainlaing kontra karong Biyernes, Hunyo 27, 2025, sa Game 2 sa Philippine Basketball Association (PBA) Season 49 Philippine Cup semi-finals seires sa Ninoy Aquino Stadium.
Ang Gin Kings makigbatok sa San Miguel Beermen sa premirong duwa samtang ang Tropang 5G, nga nagtinguha sa talagsaong Grandslam title ning komperensiyaha, makigbatok sa Rain or Shine Elasto Painters sa main game.
Sa Game 1 ning duha ka mga best-of-seven series, gipatapsingan sa Gin Kings ang Beermen, 73-71, samtang gipangbuntog sa 5G ang Elasto Painters, 98-91, niadtong Miyerkules, Hunyo 25. / ESL