Gioperahan ning Huwebes, Hunyo 12, 2025 (PH time) ang naangol nga tuong tuhod ni Boston Celtics All-Star Jaylen Brown.
Niini, gilauman sa Celtics nga makaapil si Brown nga wala’y limitasyon sa ilang training camp alang sa sunod season sa National Basketball Association (NBA).
Gikinahanglan kaayo sa Celtics ang presensya ni Brown sa sunod season gumikan kay gituohang makapalta og daghang mga duwa ang lain nilang pambato nga si jayson Tatum, kinsa kasamtangang nagpaalim sa iyang angol (ruptured Achilles tendon).
Si Brown maoy 2024 NBA Finals MVP. / Gikan sa wires