Gioperahan na si Golden State Warriors point guard Brandin Podziemski sa iyang core muscle injury, pahibalo sa Warriors sa miaging adlaw.
Niini, gibanabanang hingpit na nga maalim si Podziemski sa dili pa magsugod ang training camp sa Warriors alang sa sunod season sa National Basketball Association (NBA).
Kini maoy ikaduhang operasyon nga naagian ni Podziemski human nanamilit ang Warriors sa 2024-25 season.
Una siyang gioperahan niadtong Mayo 27 sa angol sa iyang wala nga pulso. / Gikan sa wires