Gumikan sa kaluoy, ang 44 anyos nga naila lang sa pangalang ‘Mario’ ang miagda og kaon sa usa ka lalaki nga nihangyo og pagkaon kay gigutom.
Base sa imbestigasyon sa Naga Police Station ubos sa pagdumala ni P/Lt. Col. William Homoc nga nahitabo kini sa balay sa biktima sa Barangay South Poblacion, dakbayan sa Naga, Lunes sa hapon, Hulyo 29.
Ang suspek giila sa pangalang Francisco, 51, taga Sityo Tinago, South Poblacion sa samang dakbayan. Nasayan nga nangayo og pagkaon ang suspek, og gipadayon sa biktima ug gitaparan sa pagkaon.
Kompiyansa ang biktima kinsa wa makamatikod nga gihinay-hinay og abli ang iyang sling bag dayon kuot sa pitaka diha sa sud nga adunay P5,300 cash.
Sa pagbiya na sa maong lalaki, ang menor de edad nga anak ni Mario ang nipahibawo kaniya nga gikuha sa maong suspek ang iyang pitaka, hinungdan nga dali nga gi-report sa pulis ug gipangita ang maong kawatan.
Nadakpan ra sab dayon si Francisco ug nabawi ang pitaka sa biktima nga P1,800 nalay nahibilin sa iyang kuwarta. /DVG