Gipagawas sa hosts Boston Celtics ang bangis sa defending champions sa ilang paglampornas sa Orlando Magic, 103-86, ning Lunes, Abril 21, 2025 (PH time), sa Game 1 sa ilang Eastern Conference 1st round playoffs series sa National Basketball Association (NBA).
Ning higayuna, ang Celtics gipangulohan ni Derrick White pinaagi sa iyang 30 puntos. Si Payton Pritchard nidugang og 19 puntos samtang niamot og 17 puntos si Jayson Tatum alang sa Celtics.
Ang Magic gipangulohan ni Paolo Banchero pinaagi sa iyang 36 puntos samtang nitunol og 23 puntos si Franz Wagner. / Gikan sa AP