Gipatay kay ‘tawas, di shabu’ gibaligya

GIPATAY: Ang lawas ni Rico Felotio , ulitawo, 32, taga Lucio Drive, Brgy. Calamba, Siyudad sa Sugbo nagbuy-od sa may Dan A. Lopez, Brgy. Calamba, dakbayan sa Sugbo human pusila sa wala mailhi nga gunman. Nakuha gikan kaniya ang pinutos sa gituohang shabu apan susihon pa sa mga polis kon di ba sab ni tawas.
GIPATAY: Ang lawas ni Rico Felotio , ulitawo, 32, taga Lucio Drive, Brgy. Calamba, Siyudad sa Sugbo nagbuy-od sa may Dan A. Lopez, Brgy. Calamba, dakbayan sa Sugbo human pusila sa wala mailhi nga gunman. Nakuha gikan kaniya ang pinutos sa gituohang shabu apan susihon pa sa mga polis kon di ba sab ni tawas. Tampo

Gipusil-patay sa wa mailhing gunman ang 32 anyos nga lalaki samtang naglakaw sa dalan A. Lopez, Brgy. Laba­ngon, dakbayan sa Sugbo, alas 7 sa gabii sa Dominggo, Nobiyembre 12, 2023.

Ang pagpusil patay maoy ikaduha sa tulo ka mga shooting incident gikan sa Sabado sa hapon hangtod sa Dominggo sa gabii sa dakbayan sa Sugbo. Gihulagway nga pulos illegal drugs ang motibo. (Lahi nga estorya sa pahina 3.)

Ang biktima nailhan nga si Rico Felotio, ulitawo, taga Lucio Drive, Barangay Calamba, Siyudad sa Sugbo.

Sa pakighinabi sa hepe sa Labangon Police Station sa Cebu City Police Office (CCPO) nga si Police Major Angelito Valle­ser, ilang nasayran nga ang biktima nakombikto na kaniadto sa kasong pagpangawat, ilegal nga paghupot og armas, ug pamaligya og shabu.

Dugang ni Valleser, duha pa ka bulan sukad sa paggawas ni Felotio sa bilanggoan human sa plea bargaining agreement sa iyang kaso sa ilegal nga drugas.

Nasayran usab sa kapulisan sa ilang imbestigasyon nga ang biktima ‘nangilad’ sa ilegal nga negusyo tungod kay ang ipamaligya tawas nga gipatuo nga shabu sa iyang mga parokyano.

Matod ni Valleser nga sa ilang imbestigasyon, nitumaw nga dunay 20 ka mga tiggamitan og ilegal nga drugas ang giingon nga ning-adto sa inahan sa biktima ug buot magpatapal sa ilang kuwarta nga gipalit og shabu kay tawas ang gihatag kanila.

Si Valleser niingon nga mag­lisod sila sa pag-ila sa mamumuno gumikan sa kadaghang nangita sa biktima ug nagla­got kaniya.

Samtang, si Valleser niingon nga ilang ipaubos sa pagsusi sa laboratoryo ang duha ka gagmay nga pakite sa gidudahang shabu nga nakuha sa PNP Scene of the Crime Operation (Soco) nga gihuptan sa biktima kay basin tawas usab kini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph