Gipusil sa riding in tandem ang usa ka lalaki sa Brgy. Owak, lungsod sa Asturias, alas 7:00 sa gabii, Dominggo, Oktubre 13, 2024.
Ang biktima mao nga si Jasper Tito Zorilla, 46, gidali pagdala sa ilang kabanay ngadto sa Balamban District Hospital apan gigukod sa mga mamumuno ang sakyanan nga gikargahan sa biktima.
Naapsan ang gisakyan sa biktima sa Barangay Cantuod, lungsod sa Balamban ug gitiwasan sa pagpusil sa mga mamumuno.
Atol sa pagkuha ning taho, ang kapulisan sa Balamban ug Asturias Police Stations nagpadayon pa sa ilang operasyon sa pag-ila ug pagsikop sa mga suspek.
Wala pa usab dayon maestablisar ang motibo sa krimen apan gisubay sa kapulisan kon wala ba kini nalambigit sa gidiling drugas. (GPL)