Gipusil sa kainom, angol

Gipusil sa kainom, angol
SunStar Local News GPX

Nalandig sa Danao City Pro­vincial Hospital ang usa ka 27 anyos nga lalaki sa dihang gipusil sa iyang kai­nom, alas 9:30 sa gabii, Huwebes, Enero 18, 2024, sa usa ka tindahan sa highway sa Brgy. Looc, Danao City.

Ang biktima giila nga si Jason Corales, 27, minyo, lumolupyo sa naasoy nga dapit, samtang ang suspek giilang si Venerado Rosales Lavador Jr., 36, minyo, taga Brgy. Togonon, Danao city.

Sa imbestigasyon sa kapu­lisan sa Danao ubos sa kamandoan sa ilang hepe nga si Police Lt. Col. Clark S. Arriola, nasayran nga ang biktima ug suspek nag-abot sa maong dapit ug nag-inom apan nagkalalis sa wala matino nga hinungdan dihang nangahubog na.

Ang suspek nga armado sa wa matino nga kalibre sa armas nipusil sa biktima nga naigo sa ibabaw nga bahin sa dughan.

Si Corales gidali sa pagdala sa tambalanan sa mga res­cue personnel sa Danao City.

Ang suspek nadakpan sa hot pursuit sa kapulisan sa Danao, gitanggong samtang nagpaabot sa tukmang kaso nga ipasaka batok kaniya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph