Gipusil tungod sa babaye

Gipusil tungod sa babaye
SunStar Cebu City

Nadakpan sa manhunt sa Labangon Police Station sa pagpangulo sa hepe ni P/Maj. Eraño Regidor ang suspek sa pagpusil sa 31 anyos sa Sitio Enriquez Compound, Brgy. Punta Princesa, siyudad sa Sugbo, alas 10:30 sa buntag, Huwebes, Hunyo 27, 2024.

Sa pagka alas 11:40 sa gabii sa samang adlaw, sa Sitio Tuburan, Barangay Punta Princesa, nasikop nga si alyas Romeo, 41, ug nagpuyo ra usab sa maong lugar.

Siya maoy gitudlo nga res­ponsable sa pagpusil kang alyasJessie, 31, silingan sa suspek nga nakaangkon og samad pinusilan sa kamot nga nilapos sa lawas niini gamit ang kalibre .45 nga pistola.

Sa imbestigasyon sa Labangon Police Station nga samtang nagduwa sa sud sa internet cafe ang biktima, kalit niabot ang suspek ug dayong pamusil ngadto kaniya nga niresulta sa pagkaigo sa tuong bahin sa lawas sa biktima.

Human sa pagpamusil, dali nga nisibat si alyas Romeo paingon sa sudlunong bahin sa Tuburan, Punta Princesa.

Dali usab nga gidala ang biktima sa Cebu City Medical Center (CCMC) ug nakatug-an pa kini nga ang nagpusil niya mao si alyas Romeo nga iyang silingan.

Giangkon sa suspetsado ang krimen kay gidunggab siya sa biktima niadtong Miyerkules tungod sa away sa babaye.

Matod ni Regidor, nadakpan na niadtong Marso 2022 sa kasong paghupot og armas ug kalapasan sa Comelec gun ban si Romeo ug nalambigit usab kini sa mga kaso sa pagpamusil sa mga dapit.

Selos ang usa sa gitan-aw nga motibo subay sa pag-ang­kon sa biktima.

Giandam na ang kasong frustrated murder ug illegal possession of firearms ang ipasaka sa Labangon police batok kang Alyas Romeo. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph