USA ka 17-anyos nga ulitawo nadakpan kay wala nag-helmet samtang nag-drive ug nakuhaan og dili lisensyadong armas mga ala 1:00 sa kaadlawon, Hunyo 11, 2025, sa Sitio Sambag, Barangay San Vicente, Lungsod sa Liloan.
Giila ang nadakpan nga si alyas Tantan, usa ka Grade 11 student ug residente ra sab sa nahisgutang barangay.
Subay sa imbestigasyon sa kapulisan sa Liloan, ang maong suspek dunay angkas nga duha niya ka mga higala nga puros sab menor. Atol sa pagpatrolya sa ka-puli-san sa nahisgutang dapit, nakit--an nga walay helmet nga gisul-ob samtang nag-drive si Tantan.
Nisuway pa og ikyas ang maong suspek apan dali kining naabtan sa kapulisan ug ila kining nakuhaan og .38 nga armas nga dunay upat ka buhing bala.
Nangatarungan ang suspek nga dili iyaha ang maong armas sanglit gisugo ra siya sa iyang amigo nga ipalabay.
Kasamtangan gikustodiya sa Liloan Police Station ang mga nangadakpan ug ang 17-anyos nga nakuhaan og armas mag-atubang og kasong nakalapas sa Comprehensive Firearms and Ammunition Regulation Act o paghupot og dili lisensyadong armas ug COMELEC Gun ban. / JDG