‘Gisuyaan’ sa diskuhan, gidunggab sa mag-uyab

Toledo City, Cebu.
Toledo City, Cebu. (Google map)

Construction worker na­angol human gitabangan sa pagdunggab sa ma­nag-uyab atol sa disko sa Sitio Sibagay 2, Brgy. Cantabaco, dakbayan sa Toledo ala 1:00 sa kaadlawon sa Miyerkules, Marso 6, 2024.

Ang biktima giila nga si Eduardo Macapobre Cañedo, 36, ulitawo, taga Sitio Silangan sa Cantabaco, Toledo City.

Wala pa madakpi sa kapulisan ang mga suspek nga manag-uyab nga giila lang nga sila si Bontol ug Angelie.

Si Police Master Sgt. Ramonoto Canasa, imbestigador sa Toledo Police Station, nagkanayon nga ang biktima nakaangkon og sa­mad dinunggaban sa tiyan, liog ug mga kamot.

Matod ni Canasa, piyesta sa dapit ug ang biktima nitambong sa disko apan giingong kalit lang siyang gidunggab sa mga suspek ga­mit ang ice pick.

“Iyang sulti gitripingan siya sa mga suspek.Nagsayaw raman atong time dayon dunggab,” dugang ni Canasa.

Si Canasa niingon nga naila ang mga suspek nga badlu­ngon sa ilang dapit. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph