Nakasulod sa Eastern Conference finals ang Indiana Pacers human nila giusban pagpukan ang hosts Clevelad Cavaliers sa Game 5 sa 2nd round playoffs series, 114-105, sa National Basketball Association (NBA) ning Miyerkules, Mayo 14, 2025 (PH time).
Ang daog Pacers maoy nakatuldok og sayo sa Eastern Conference semi-finals series, 4-1.
“The winning team writes the script,” matod ni Pacers coach Rick Carlisle.
Ang senaryo ning sangkaa susama sa nahitabo sa nag-unang duha ka mga duwa sa series diin nakaposte ang Cavaliers og dakong labaw sa 1st half apan nakagukod ang Pacers sa 2nd half gamit ang ilang pinaspasay nga duwa aron angkunon ang daog.
“I have to give our guys credit, they earned this,” dugang ni Carlisle. “This was one of the best teams in the league. I’m sorry their season had to end like this. They had the perfect season, and we came along and were hot at the right time.”
Ang Cavaliers, nga maoy No. 1 team sa Eastern Conference human sa regular season, nakaposte og 19 puntos nga labaw, 44-25, sa nahabiling 8:10 minutos sa 2nd quarter.
Apan human niini, gimugna sa pambatong guard sa Pacers nga si Tyrese Haliburton ang lima sa iyang unom ka three-pointers aron pahakan og dako ang labaw sa Cavaliers, 56-52, sa halftime.
Human niini, nabalhin sa Pacers ang momentum ug pagkahuman sa 3rd quarter, nakaposte sila og 85-76 nga labaw.
Sa 4th quarter, adunay mga higayon nga nakasikit ang Cavaliers apan wala ningtugot ang Pacers nga mailog gikan kanila ang labaw hangtod na sa katapusang gutlo.
Sa East finals, sangkaon sa Pacers ang modaog sa laing conference semi-finals tali sa defending champions Boston Celtics ug New York Knicks.
Puntos matag usa:
Indiana (114)- Haliburton 31, Siakam 21, Nembhard 18, Nesmith 13, Turner 10, Bryant 9, Toppin 5, Mathurin 4.
Cleveland (105)- Mitchell 35, Mobley 24, Hunter 12, Garland 11, Allen 9, Jerome 8, Wade 4, Okoro 2. / Gikan sa wires