Gitawgan sa cellphone una pa gipatay

Gitawgan sa cellphone una pa gipatay

Dead on arrival sa tambalanan ang usa ka lalaking gipusil pasado alas 6 sa gabii, Marso 25 , 2024, sa Purok Nangka, Brgy. Lipata, Minglanilla, habagatang Sugbo.

Ang biktima giila nga si Jonathan Caballero, 35, ulitawo, residente sa maong dapit.

Base sa pasiunang imbestigasyon ni Police Staff Sgt. Jemmar Hisoler, investigator on case sa Minglanilla Municipal Police Station, ang biktima diha su’d sa iyang balay ug adunay gitubag nga tawag sa cell phone.

Ang biktima nigawas sa ilang balay ug didto na gipusil sa makadaghang mga higayon sa wa pa mailhing mamumuno.

Ang biktima nakaangkon og samad pinusilan sa ulo, buko-buko ug lawas, nga nahagba sa daplin sa karsada.

Ang biktima gideklarar nga dead on arrival sa dihang gidala sa Minglanilla District Hospital.

Atol niining pagsuwat, padayon pang giimbestigar ang motibo ug pag-ila sa killer.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph