Ilusad sa GMA Integrated News ang “24 Oras Podcast” karong Hunyo 23, 2025, aron mas mapaduol ug mas mahimong accessible ang balita sa mga Pinoy.
Ang maong podcast mag-feature og adlaw-adlaw nga audio episodes sa ilang mga nag-unang newscast nga “24 Oras” ug “24
Oras Weekend” nga gi-anchor nila Mel Tiangco, Vicky Morales, Emil Sumangil, Ivan Mayrina, ug Pia Arcangel.
Mahimo kining mapaminaw sa mga streaming platform sama sa Spotify ug Apple Podcasts nga nagtugot sa mga tigpaminaw nga makapadayon og update bisan sa ilang pagbiyahe o kalihukan.
Tumong sa GMA ang paghatag sa panginahanglan sa mga modernong audience nga mas ganahan og audio nga pamaagi sa pagpaminaw og balita.
Kini nga lakang kabahin sa ilang paningkamot nga mapalapdan ang ilang serbisyo ug maabot ang publiko sa tanang digital plataporms.