Alang sa katumanan sa saad atol sa kampanya ni Presidente Ferdinand Marcos Jr., ang mga mayor sa Sugbo mahimo nang mo-withdraw og bugas gikan sa kagamhanang probinsiyal aron ibaligya sa tag P20 matag kilo sugod Lunes, Abril 28, 2025.
Kini maoy gipahibawo ni Cebu Governor Gwendolyn Garcia sa pakigtagbo sa mga mayor sa Probinsiya sa Sugbo sa Kapitolyo atol sa live broadcast sa Sugbo News, media arm sa Kapitolyo niadtong Biyernes, Abril 25, 2025.
“Waman gud ni sa budget karon Mohangyo ko sa mga gobernador karon pero next year fully subsidized nani sa national government aron hangtod na ni sa 2028..,: matod ni Garcia nga nagsaysay kung giunsa nahitabo ang meeting ni Marcos sa Kapitolyosa sa Miyerkules, Abril 23.
Si Garcia niingon nga ang probinsya mo-subsidize sa programa hangtod sa Disyembre 2025, uban ang nasudnong pundo nga gipaabot sunod tuig, ug gigarantiyahan ang pagpadayon niini hangtod sa 2028.
Gianunsyo ni Department of Agriculture (DA) Secretary Francisco Tiu Laurel Jr. ang maong programa atol sa gipahigayong press conference sa Kapitolyo sa Probinsiya sa Sugbo, human sa panagtagbo ni Marcos ug mga gobernador sa mga probinsiya sa Central Visayas, Western Visayas, Eastern Visayas ug Negros Island Region. / CDF