Gob. Garcia motambong og economic forum sa Russia

CEBU. Governor Gwendolyn Garcia (center).
CEBU. Governor Gwendolyn Garcia (center).Photo from Cebu Province Facebook page

Gikatakda nga mobiyahe sa sa Russia si Cebu Governor Gwendolyn Garcia karong Hunyo aron motambong sa usa ka economic forum.

Kini maoy gikompirmar sa Kagamhanan subay sa panagtagbo tali ni Garcia ug Russian Honorary Consul Armi Garcia sa Kapitolyo.

Ang gobernador motambong sa St. Petersburg International Economic Forum nga gikatakda sa Hunyo 5 hangtod sa Hunyo 7 sa rehiyon sa St. Petersburg, Russia.

Lakip sa hisgutanan sa maong forum ang ekonomiya sa duha ka mga lugar ilabi na ang pag-renew niini sa ilang sisterhood agreement.

Gipanglantawan ang pagbisita usab ni Russian President Vladimir Putin sa maong tigom.

Sa nasayran sa 2009 atol sa ika-duhang termino ni Garcia, nilagda og lima ka tuig nga sisterhood agreement ang Probinsya ug ang St. Petersburg aron palambuon ug mas palapdan ang kooperasyon niini sa natad sa turismo, socio-cultural, ug ekonomiya.

Apan wala na kini ma-renew sukad mibiya sa katungdanan si Garcia sa 2013.

Gawas sa ecomomic forum, gikatakda usab nga makigtagbo si Garcia sa mga otoridad sa lokal nga airport sa Russia alang sa gilaumang direct flights paingon sa Sugbo.

Lakip sa bisitahon ni Garcia ang children’s hospital aron masuta ang mga pamaagi niini ilabi na sa cancer patients.

Kauban ni Garcia sa biyahe ang mga opisyal sa Mactan Cebu International Airport Authority ug Vicente Sotto Me­morial Medical Center’s cancer center.

Ang kagamhanan sa Sugbo nakaestabilisar og diplomatikanhong relasyon ubos sa administrasyon ni Garcia.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph