Gimando sa Office of the Ombudsman ang pagtaktak kang Albay Governor Edcel Greco “Grex” Lagman tungod sa giingong pagdawat niya og payola gikan sa illegal numbers game nga jueteng sa dihang bise gobernador pa siya sa probinsiya.
Sa desisyon nga pinetsahan og Enero 28, 2025, apan gi-release lang niadtong Martes, Abril 29, ang Office of the Ombudsman nakahukom nga guilty si Lagman sa grave misconduct tungod sa giingong kalambigitan niya sa jueteng.
Ang anti-graft court nagkanayon nga si Lagman nakadawat ug mokabat sa P8.1 milyunes nga jueteng payouts gikan sa Agusto 2019 hangtod Hunyo 2022 base sa bank deposit slips, uban sa inisyal nga accusatory affidavits sa complainant ug mga testigo.
Matod pa nga si Lagman niangkon nga maoy tag-iya sa maong mga bank accounts, apan napakyas siya pagpasabot asa gikan ang kuwarta ug ang mga katuyoan niini.
Wala sab ebidensya nga nisupak si Lagman sa pagdawat sa maong mga deposito nga nagpatuo nga wala siyay consent niining giingong mga illegal cash transaction.
Ang korte nag-ingon nga si Lagman nisaysay sa Bank Secrecy Law isip pagdepensa sa iyang kaugalingon.
Ang Bank Secrecy Law manalipod sa bisan unsang matang sa deposito.
“These payolas were given in consideration or by reason of respondent being the Vice-Governor of the Province of Albay [then] in exchange for some future favor in relation to the operation of jueteng, an illegal numbers game. The same were given in anticipation of a protection for the operation of jueteng and the proliferation thereof in said province,” tipik sa mando sa Ombudsman.
“In this case, the payolas were given in anticipation of some favor from respondent, in whatever capacity and manner he may do as a public officer, to protect the continuous operation of jueteng and the proliferation thereof in said province,” dugang niini.
Matod pa nga ang maong sirkumstansya nag-qualify kang Lagman isip coddler ug protector ubos sa Republic Act 9287 o An Act Increasing the Penalties for Illegal Numbers Game.
“This Office finds that respondent had been animated by a corrupt motive to benefit from illegal gambling, and his corrupt actions were willful and done with discernment,” the court said.
Sa usa ka pamahayag, si Lagman kinsa magpapili pag-usab, hugot nga nihimakak sa pasangil batok kaniya.
“Katunayan, sa simula pa lamang ng aking panunungkulan bilang gobernador noong December 1, 2022, ay inilatag ko na kaagad na hindi ako pabor sa jueteng. At dahil sa aking malinaw at matatag na posisyong ito, walang nangahas na mag-alok sa akin ng payola o anumang uri nito hanggang ako ay bumaba sa aking pwesto dahil alam nila hindi ko ito tatanggapin,” matod ni Lagman. / TPM / SunStar Philippines
Si Lagman nikanaog sa katungdanan human nakadawat sa desisyon.
Matod niya nga ilang i-apelar ang desisyon ngadto sa Korte Suprema. / TPM / SunStar Philippines