Magpabilin sa kapitolyo si Gobernador Gwendolyn Garcia taliwa sa suspension order batok kaniya.
Kini maoy gipahibalo ni Garcia subay sa sugyot sa iyang legal counsel nga mopadala og suwat ngadto ni Interior Secretary Jonvic Remulla aron klaruhon ang implementasyon sa unom ka buwan nga preventive suspension nga gimando sa Ombusdman batok sa gobernador sa Martes, Abril 29, 2025.
“So, pending resolution of my query, I have decided to stay put in office and continue to serve as the governor of this great province of ours. We are in the thick of a very shall we is a spirited. And in more colloquial terms, ugly campaign season, and we are going into the final stretch,” matod ni Garcia sa Abril 30, 2025, atol sa pakighinabi sa mga tigbalita.
“I will continue to serve the Cebuanos in the best possible way that I can within the bounds of law. So, that’s it.” dugang niya.
Gusto sab mahibaw-an ni Garcia ang posisyon sa Commission on Elections (Comelec) kabahin sa nigawas nga order sa Ombudsman nga iyang gilakbitan ang Omnibus Election Code Section 261 (x), suspending public official during the election period required approval from the Commission on Elections (Comelec).
Giklaro sa mga abogado nga walay nahimo nga kalapasan ang gobernadora sanglit gihimo lang niini ang mga legal nga paagi aron mahatagan og katin-awan ang nahimong desisyon.
Ang unom ka buwan nga preventive suspension sa Ombudsman nunot sa gipasaka nga kasong administratiba sa usa ka Moises Garcia Deiparine.
Sa maong reklamo, gipasanginlan ang gobernador og grave abuse of authority, gross misconduct, serious dishonesty, gross negligence, ug conduct prejudicial to the best interest of the service nga kalapasan ubos sa Republic Act No.6713.
Gilatid sab sa maong reklamo ang pasangil nga ang gobernador niisyu og special permit ngadto sa Shalom Construction, Inc. niadtong Mayo 14, 2024, nga wala maka-secure og Environmental Compliance Certificate (ECC) o ang Certificate of Non-Coverage gikan sa DENR ingon man wala sab naghupot og bisan unsang konsultasyon uban ang mga hingtungdang ahensiya sa gobiyerno.
Ang Metropolitan Cebu Water District (MCWD) ug uban pang mga mayor sa probinsiya nipadayag og suporta sa gobernador sama nila ni Daanbantayan Mayor ug League of Municipalities of the Philippines (LMP) President Sun Shimura lakip usab ang mga mayor sa San Fernando, Alcantara, Samboan, Ginatilan, Dumanjug ug uban pa.
Matod sa MCWD nga ang gihimong desilting activities sa sapa sa Mananga sa Dakbayan sa Talisay nagsugod tungod sa nahiaguman nga El Niño sa nasod diin apektado ang suplay sa tubig sa mga residente sa probinsya.
“Our efforts to combat the effect of El Nino led us to seek assistance from several government agencies (Local, National, including the Local Governments Units) and Governor Gwendolyn Garcia stepped in with decisive leadership," matod sa MCWD sa Abril 30, 2025. / ANV