NAGPAKITA na sab sa ilang aktibong suporta sa edukasyon ang Grab pinaagi sa ilang partisipasyon sa Brigada Eskwela 2025 nga gipangulohan sa Cebu City Local Government ug sa Department of Education (DepEd).
Ang Grab nisalmot sa usa ka kalihukan pinaagi sa pagdonar og school supplies, laptops, ug handwashing stations sa tulo ka pampublikong tunghaan sa Barangay Lahug, Cebu City. Lakip sa mga natabangan mao ang Lahug Elementary School, Lahug Night High School, ug Lahug Day Care Centers.
Ang ilang donasyon naglakip sa gatusan ka sets sa school supplies, laptops nga adunay backpack para sa elementarya ug high school, ug mga handwashing stations aron mapalambo ang kahimsog ug kalimpyo sa eskwelahan.
Gawas niini, ang mga boluntaryo sa Grab nitabang sab sa pagpintal pag-usab sa tulo ka classrooms ug sa gatusan ka armchairs sa mga estudyante.
Ang tinuig nga Brigada Eskwela sa DepEd nga nagtinguha sa pagpangandam sa mga pampublikong tunghaan alang sa pagbukas sa klase pinaagi sa limpyo ug rehabilitasyon nga paningkamot sa komunidad, gipangulohan ni Mayor-Elect Nestor Archival karong tuiga.
“At Grab, we believe that education is one of the most powerful tools for unlocking economic opportunity and progress. As a platform built to uplift communities, we have a responsibility to help more students learn, grow, and thrive. Through this partnership with the Cebu City LGU, Barangay Lahug, and the Department of Education Cebu City Schools Division, we aim to co-create safe learning environments – empowering more young Cebuanos to become high-performing learners,” matod ni Grab Philippines Vice President for Cities CJ Lacsican.
“Thankful to Grab Philippines for supporting Brigada Eskwela 2025 at Lahug Elementary and High School. With their generous sponsorship of laptops and school supplies — and the unwavering support of our dedicated teachers and volunteers — we are working together to create a better learning environment for our students,” pasalamat sab ni Mayor-Elect Archival sa Grab Philippines sa ilang suporta.
Ang maong kalihukan usa ka maayong ehemplo sa panaghiusa sa gobiyerno ug pribadong sektor alang sa kaayohan sa edukasyon sa kabatan-onan sa Cebu. / PR