Pipila ka bahin sa Dakbayan sa Bogo labi na sa Barangay La Purisima Concepcion, ang gibahaan tungod sa pagbunok sa uwan sa Sabado sa gabii, Agusto 31, 2024, ug nagsugod ang pagsuyla sa mga agianan sa tubig sukad sa alas 4 sa kaadlawon ug nihubas sa pagka alas 6 sa buntag, Dominggo, Septiyembre 1, 2024, sa paglurang sa uwan.
Mao kini ang gibutyag ni P/Staff Sgt. Ritchie Comendador, desk officer sa Bogo City Police Station nga gikahinabi sa Superbalita Cebu, Dominggo, Septiyembre 1.
Matod ni Comendador, ang ilang disaster office nagsusi sa danyos ug ubang taho nga dunay kalambigitan sa bata.
Sa pakisusi ngadto ni Caren Dy sa Bogo City Risk Reduction Management Office (BCRRMO), way gikataho nga nakalas sa dakong baga ug walay natala nga namakwit. / DVG