Green Lancers milarga paingon sa Thailand aron magbakasyon

SunStar Basketball
SunStar Basketball

Ninglarga paingon sa Bangkok, Thailand ang kinatibuk-ang puwersa sa University of the Visayas (UV) Green Lancers kagahapon, Hunyo 3, 2025, aron magbakasyon.

Ang biyahe nagsilbeng pahalipay nga nadawat sa Green Lancers sa malampuson nilang pagsakmit og back-to-back titles sa miaging edisyon sa Cebu Schools Athletic Foundation Inc. (CESAFI) college men’s basketball.

Gipasabot ni Green Lancers coach Gary Cortes nga taodtaod na nga giplano kining maong biyahe apan nalangan gumikan sa kakulian nga dili kapugngan.

Taliwala niini, mapasalamaton si Cortes sa mga ninghatag og suporta aron mahimo'ng posible kining maong biyahe.

“Mura’g team building na sab ni namo para sa sunod season,” matod ni Cortes, kinsang assistant coaches mao sila si Rocky Alcoseba, Raul Nuñez, Jojo Maglasang, Raymon Mercader, ug Roger Potot.

Ang mga sakop sa Green Lancers pangulohan nila ni team captain Jimpaul Amistoso, Froiland Maglasang, Zylle Cabellon, Albert Sacayan ug MVP Kent Ivo Salarda.

Naa sab sa team sila si Rovello Robles, Ivan Clark Alsola, Marchie Sabanto, Joshua Canoy, Paul John Taliman, Christopher Isabelo, Kenneth Brillo, Jhun Art Marco, King Orcullo, ug Raul Carlito Gentallan.

Ang Green Lancers ningbuntog sa University of Cebu (UC) Webmasters sa finals series sa miaging season nga ning-agi og deciding Game 3./ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph