Pulos nipirma og contract extensions sila si Fil-Am Jalen Green ug Alperen Sengun sa Houston Rockets kagahapon, Martes, Oktubre 22, 2024 (PH time).
Si Green, kinsa maoy 2nd overall pick niadtong 2021 National Basketball Association (NBA) draft, nitando sa tulo ka tuig nga kontrata nga nagbalor og $106 million.
Samtang si Sengun, kinsa maoy 16th pick sa samang draft, niuyon sa lima ka tuig nga kontrata nga nagbalor og $185 million.
Ang duha ka mga magduduwa parehong anaa na unta sa katapusang tuig sa ilang rookie contracts. / AP